Freedom Holding Corp. Hindenburg tadqiqotlari hisobotida keltirilgan ayblovlar bo'yicha tashqi tekshiruv yakunlanganligini e'lon qiladi

26 yanvar 2024 yil, Olmaota shahri 

Freedom Holding Corp. (keyingi o'rinlarda Kompaniya deb yuritiladi) (Nasdaq: FRHC) direktorlar kengashining mustaqil a'zolari tashabbusi bilan o'tkazilgan tashqi tekshiruvini yakunlanganini e'lon qildi. Tashqi tekshiruv 2023 – yil 15-avgustdagi Hindenburg Research (keyingi o'rinlarda "Hindenburg hisoboti" deb yuritiladi) tomonidan e'lon qilingan hisobotda kompaniya va uning biznesiga nisbatan qo'yilgan keng ko'lamli ayblovlarni ko'rib chiqdi. Hindenburg hisoboti e'lon qilingan dastlabki kunlardanoq kompaniya ayblovlarni asossiz deb hisobladi va direktorlar kengashi kompaniya va uning biznes modeliga to'liq ishonch bildirdi. Biroq, Freedom Holding Corp. va uning aksiyadorlari manfaati uchun mustaqil direktorlar kengashining a'zolari hisobotda keltirilgan ayblovlarning asossiz ekanligini tasdiqlash uchun tashqi tekshiruv o'tkazishga qaror qilishdi.

Kengashning mustaqil direktorlar a'zolari «Morgan» yuridik firmasini va «Lewis & Bockius LLP» sud-buxgalteriya firmasini tashqi tekshiruv o'tkazish va xulosalar hisobotini tayyorlash uchun jalb qildilar. Tekshiruv taxminan to'rt oy davom etib, hujjatlar va ma'lumotlarni ko'rib chiqish, Qozog'iston va Kiprdagi ofislarga tashrif buyurish, sinov ishlari va ma'lumotlarni tahlil qilish, shuningdek, ko'plab yuqori darajadagi rahbarlar, kompaniya xodimlari va kompaniyaning bir qator tashqi maslahatchilari va kontragentlari bilan onlayn va oflayn intervyularni o'z ichiga oldi. Tekshiruv Freedom Holding Corp. kompaniyasining asosiy operatsion sho'ba korxonalariga qaratildi, shuningdek, Freedom Securities Trading Inc. ning tegishli ayblovlarga duch keldi. (keyingi o'rinlarda – FST Belize). Hindenburg hisobotida keltirilgan ba'zi da'volar eskirgan, noaniq yoki tafsilotlardan mahrum boʻlgan.

Umuman olganda, tashqi tekshiruv shuni ko'rsatdiki, Hindenburg hisobotidagi da'volar muhim faktlarni hisobga olmaydi va dalillar bilan tasdiqlanmaydi. Xususan, tekshirish natijalari quyidagilarni o'z ichiga oladi:

•  So'nggi yillarda kompaniyaning o'sishi, asosan, kompaniyaning AQSh qimmatli qog'ozlar va birja komissiyasiga taqdim etgan hisobotlarida tasvirlanganidek, qimmatli qog'ozlar savdosidan olingan organik o'sish (shu jumladan mijozlar soni va savdo hajmining o'sishi), foyda va daromadlar bilan bog'liq edi. O'sish manipulyativ yoki boshqa noqonuniy yoki noo'rin biznes amaliyotlarining natijasi emas edi.

• Kompaniya xalqaro va mahalliy sanksiyalarga, shuningdek, jinoiy faoliyatdan olingan daromadlarni legallashtirishga qarshi jarayonlarda, muvofiqlik va siyosatlarga qat'iy rioya qiladi. Quydagilar uning biznesi va muvofiqlik nazorati xodimlari tomonidan amalga oshiriladi.

• Sanksiyalardan qochish yoki sanksiyaga uchragan oligarxlar bilan o'zaro aloqada boʻlganlik to'g'risida hech qanday dalil topilmadi.

• Kompaniyaning AQShdan tashqaridagi ba'zi sho'ba korxonalari sanksiyalar ostida bo'lgan ba'zi banklar va jismoniy shaxslar bilan biznes aloqalariga ega bo'lishsa-da (kompaniya bu haqiqatni oshkor qilgan), bu bitimlar AQSh, Evropa Ittifoqi, Buyuk Britaniya yoki boshqa mamlakatlarda sanksiyalarning buzilishi bilan bog'liq emas edi.

•  Mijozlarning hisob raqamlari kripto valyutasi yoki naqd pul bilan moliyalashtirilganligi to'g'risida hech qanday dalil topilmadi, faqat mavjud mijozlar tomonidan "Bank Freedom Finance Kazakhstan" AJning chakana bank kassasi ostida standart tekshiruvlardan oʻtishi kerak bo'lgan naqd pullar bundan mustasno.

• Kompaniya o'z aksiyalarini yoki Qozog'iston barqarorlik jamg'armasi obligatsiyalarini manipulyatsiya qilishda ishtirok etganligi to'g'risida hech qanday dalil topilmadi.

• Ta'kidlanishicha, kompaniyaning Qozog'iston barqarorlik jamg'armasi obligatsiyalariga investitsiyalari hozirda obligatsiyalar daromadidan yuqori bo'lgan moliyalashtirish qiymatiga ega. Ammo ular kelajakda foiz stavkalarining o'zgarishi natijasida foydali bo'lishi kutilayotgan o'ylangan va qonuniy savdo strategiyasining bir qismi sifatida saqlanadi.

•  Biznes munosabatlari siyosati, protseduralari va nazoratiga, shu jumladan noqonuniy yoʻl orqali topilgan daromadlar legallashtirishga qarshi talablar va sanksiya shartlariga rioya qilishga amal qiladi.

• Hindenburg hisobotida kompaniya FST Belize bilan soxta yoki ortiqcha daromad olish uchun bitimlar tuzganligi haqidagi da'volarni tasdiqlovchi hech qanday dalil topilmadi.

• Rossiyaning sobiq Freedom Holding Corp. sho'ba korxonalari ular qonuniy oldi-sotdi bitimi doirasida sotilgan va kompaniya yoki bosh ijrochi direktor Timur Turlov tomonidan ushbu sotuvdan keyin ularning faoliyatini nazorat qilishni davom ettirganligini tasdiqlovchi dalillar yo'q.

• Kompaniyaning mijozlari IPO-da aksiyalarni taqsimlash yoki ikkilamchi bozorda aksiyalarni sotib olish dasturida qatnashish uchun kompaniyaning aksiyalarini sotib olishlari shart emas edi.

Kompaniya tashqi tekshiruv natijalarini qabul qildi va xususan, Freedom Holding Corp.da muvofiqlik va noqonuniy daromadlarni legallashtirishga qarshi kurashish bo'yicha amalga oshirilgan global va mahalliy protseduralarning ishonchliligi to'g'risida xulosa qabul qildi.

Samarali boshqaruv va muvofiqlikka sodiqligining bir qismi sifatida kompaniya tashqi audit guruhidan ushbu protseduralar, nazorat va siyosatlarni tekshirish asosida amalga oshirilishi mumkin bo'lgan tavsiylarni berishni so'radi. Tashqi tekshiruv guruhi qo'shimcha choralarni tavsiya qildi va kompaniya direktorlar kengashi ushbu tavsiyalarni qabul qildi. Kompaniyaning rahbariyati, shu jumladan muvofiqlik bo'yicha vitse-prezident ularni amalga oshirishga kirishdi.

Kompaniyaning 2023 yil 31 martda yakunlangan moliyaviy yil uchun 10-K shaklidagi yillik hisoboti, shu jumladan uning tarkibidagi tekshirilgan moliyaviy hisobotlari va AQSh qimmatli qog'ozlar va birja komissiyasiga taqdim etilgan boshqa hisobotlar va hujjatlar SEC veb-saytida mavjud.

Istiqbolli bayonotlar

Ushbu press-relizda kompaniyaning biznes strategiyasi, kelajakdagi o'sishi va muvofiqlik va nazoratni yanada rivojlantirish bilan bog'liq bayonotlarni o'z ichiga olgan. Bashoratli xarakterdagi da'volar ko'plab shartlarga bog'liq bo'lib, ularning aksariyati kompaniya nazorati ostida emas, shu jumladan, 2023 yil 31 martda yakunlangan moliyaviy yil uchun 10-K shaklidagi yillik hisobotimizda tasvirlangan xavf va noaniqliklar va boshqa hisobotlarimiz va AQSh qimmatli qog'ozlar va birja komissiyasining hujjatlari. Ushbu hujjatlarning nusxalari qimmatli qog'ozlar va birjalar bo'yicha komissiya veb-saytida mavjud (www.sec.gov). Kompaniya ushbu bayonotlarni e'lon qilingan kundan keyin tuzatishlar yoki o'zgartirishlar uchun yangilash majburiyatini o'z zimmasiga olmaydi, qonunda nazarda tutilgan hollar bundan mustasno. 

Ma'lumot uchun: 

Freedom Holding Corp. – bu Freedom sho'ba korxonalari orqali moliyaviy faoliyat, chakana vositachilik, investitsiya bo'yicha maslahat, qimmatli qog'ozlar savdosi, investitsiya banki va anderrayting xizmatlarini ko'rsatadigan xolding. Bugungi kunda xoldingning oddiy aksiyalari NASDAQ Capital Market, KASE-da sotilmoqda.

Morgan, Lewis & Bockius LLP – 1873 yilda tashkil etilgan Amerika yuridik firmasi. Uning jamoasida Shimoliy Amerika, Osiyo, Evropa va yaqin Sharqdan 2200 dan ortiq advokatlar ishlaydi. Firma dunyodagi eng yirik Fortune 100 korporatsiyalarining manfaatlarini himoya qiladi. Energetika, moliyaviy xizmatlar, sog'liqni saqlash, chakana savdo va elektron tijorat, sport, texnologiya va transport kabi etakchi sohalarda keng qamrovli korporativ, sud va tartibga solish xizmatlarini taqdim etadi.